وزیر امور خارجه پاکستان با رییس جمهوری تاجیکستان دیدار کرد
#
دوشنبه - ایرنا 30 خرداد 1376 برابر با 20 ژوئن 1997
" گوهر ایوب خان " وزیر امور خارجه پاکستان روز جمعه در ملاقات با
"امامعلی رحمانف" رییس جمهوری تاجیکستان خواستار شرکت این کشور در اجلاس
منطقه ای برای حل بحران افغانستان شد.
"ایوب خان" دراین دیدار پیشنهاد کرد، برای رفع بحران موجود افغانستان
کنفرانس ویژه ای تحت نظارت سازمان ملل متحد با شرکت کشورهای همسایه
افغانستان به علاوه روسیه و آمریکا برگزار شود.
وزیر امور خارجه پاکستان پس از ملاقات با "رحمانف" به خبرنگاران گفت:
رییس جمهوری تاجیکستان از این پیشنهاد و اقدام پاکستان حمایت کرده است .
"ظفر سعیداف" سخنگوی رییس جمهوری تاجیکستان دراین خصوص گفت: "امامعلی
رحمانف" پیشهاد کرده به نشانه حسن نیت همه طرف های درگیر در افغانستان
باید در مدت گفت و گوها گروه ها و کشورهای منطقه آتش بس سراسری اعلام کنند.
این سخنگو گفت: در ملاقات رییس جمهوری تاجیکستان و وزیر امور خارجه
پاکستان همچنین مساله سرمایه گذاری پاکستان در نیروگاه برقی - آبی " سنک
توده " تاجیکستان، احداث جاده ترانزیت تاجیکستان به پاکستان، احداث خط
لوله گاز ترکمنستان به پاکستان و دیگر همکاری های دوجانبه مورد بحث قرار
گرفته است .
وزیر امور خارجه پاکستان قرار است از ازبکستان و ترکمنستان نیز دیدن
کند.
( الف - ع )